Прывітанне старшыні
Год народного единства
Газета «Светлае жыццё»
Рус
En
Бел

Адрас: 247841, г.п. Лельчыцы,
вул. Савецкая, 42

Е-mail: isp@lelchitsy.gomel-region.by

Тэлефон / факс: (+375 2356) 5 02 10

Будынак райвыканкама Рака Убарць Новы мікрараён
Галоўная Эканоміка Прамысловасць

Прамысловасць

На тэрыторыі Лельчыцкага раёна ў 2020 годзе функцыянуе 3 прамысловыя прадпрыемствы: шчэбзавод «Глушкевічы», ПВГУП «В.П. Буткоўскі», КВУП «Лелькам». Усяго прадпрыемстваў, якія вырабляюць прамысловую прадукцыю, у раёне 7. Акрамя вышэйназваных прамысловую прадукцыю вырабляюць Мілашэвіцкі і Лельчыцкі лясгасы, ААТ «Лельчыцкая ПМК-103», ПВГУП «Лельгран». Асноўную ўдзельную вагу ў агульным аб'ёме прамысловай вытворчасці займае шчэбзавод «Глушкевічы» 36%.

Прамысловымі прадпрыемствамі Лельчыцкага раёна па секцыях В, С, D, E за 2020 года выраблена прамысловай прадукцыі ў дзеючых цэнах на суму 20914 тыс. рублёў, што складае 109,0% да ўзроўню аналагічнага перыяду 2019 года. Аб'ём вытворчасці прамысловай прадукцыі, разлічаны па індэксах фізічнага аб'ёму (далей - ІФА), склаў 32929,2 тыс. рублёў, тэмп росту 110,2%. Па стане на 1 студзеня 2021 года ўзровень запасаў гатовай прадукцыі па прамысловых прадпрыемствах у фактычных адпускных цэнах склаў 3234 тыс. рублёў. Да сярэднямесячнага аб'ёму вытворчасці аб'ём запасаў склаў 186,1%, у тым ліку па падведамных прадпрыемствах - 181,0%.

Шчэбеневы завод «Глушкевічы» займаецца здабычай і абагачэннем (драбленнем і сартаваннем) будаўнічага каменю, забяспечвае патрэбнасць у нярудных матэрыялах арганізацый Гомельскай вобласці і іншых рэгіёнаў Рэспублікі Беларусь.

Цяпер шчэбзавод вырабляе шчэбень усіх фракцый: гравійна-пясчана-шчэбеневыя сумесі, адсеў, бутавы і брусчаты камень, якія выкарыстоўваюцца, у асноўным, у будаўніцтве.

Выпускаемая прадукцыя мае міждзяржаўны стандарт (ДАСТ 8267-93). Колькасць працуючых складае 311 чалавек.



Прыватнае вытворча-гандлёвае ўнітарнае прадпрыемства «В.П. Буткоўскі» з'яўляецца цяпер адным з горадаўтваральных.

Сярэдняспісачная колькасць 181 чалавек.

Цяпер у структуру прадпрыемства ўваходзяць 15 цэхаў і структурных падраздзяленняў.

Прадпрыемствам аказваецца больш за 20 відаў паслуг, асноўнымі з якіх з'яўляюцца рытуальныя паслугі (вытворчасць вырабаў з граніту, мармурова-гранітнай крошкі і мастацкія работы на іх), вытворчасць вырабаў з металу і бетону (плітка, дэкаратыўная агароджа і іншыя), распілоўка драўніны і выраб рознай прадукцыі з яе.

Акрамя асноўных відаў дзейнасці ПВГУП «В.П. Буткоўскі» адкрыты аб'екты грамадскага харчавання, аб'екты аграэкатурызму, аб'екты прыдарожнага сэрвісу.

Камунальнае вытворчае ўнітарнае прадпрыемства «Лелькам» аказвае паслугі насельніцтву і суб'ектам гаспадарання па водазабеспячэнні, каналізацыі, цеплазабеспячэнні, санітарнай ачыстцы г.п. Лельчыцы і сельскіх населеных пунктаў, прадастаўляе месцы для кароткатэрміновага пражывання ў гасцініцах, паслугі лазняў, па абслугоўванні жыллёвага фонду, па добраўпарадкаванні г.п. Лельчыцы, а таксама выкананне і падтрыманне на належным узроўні дзяржаўных сацыяльных стандартаў.

Сярэдняспісачная колькасць працуючых складае 204 чалавекі.

.






Інтэрнэт-рэсурсы